Newsletter

Breaking News

PHRMDO, gintaganpasidungog san SP sapagigin Prime-HRM Maturity Level 2 Compliantsa bug-os nga Rehiyon 08




Catarman n. Samar- Gintagan pasidungog san Hunta Probinsyal an Provincial Human Resource Management and Development Office (PHRMDO) tungod  nga nakab-ot san  gobyerno probinsyal an pagigin Program to Institutionalize Meritocracy on Human Resource Management (PRIME-HRM) Maturity Level 2 Compliant sa bog-os nga rehiyon otso durante sa kanira regular session san diri pala maiha sa SP Hall sa Kapitolyo.

Naihatag sa PGNS ini nga award durante sa ginbuhat nga on-site assessment san Civil Service Commission (CSC) Regional Office 8 nga gintambungan san mga department heads ngan rank and file nga empleyado sa kapitolyo sa nilabay nga bulan san Oktubre 2018.

Segun kan Jocelyn J. Addun, hepe san Provincial Human Resource and Development Office (PHRMDO) an PGNS pala an siyahan nga provincial local government unit (PLGU) sa bog-os nga rehiyon otso an nakakuha sa nasabi nga pagkilala diin gin-imdan san CSC ini pinaagi sin tulo nga lens nga mao an systems lens o show me part san assessment, practices lens ngan competencies lens. An pira liwat nga mga indicators nga gin assess san CSC mao an Recruitment Selection and Placement, Learning and Development,Performance Management ngan Rewards and Recognition.

Tungod san pagiging maturity level 2 compliant, hugot nga ginpapatuman san gobyerno probinsyal an equal employment opportunity principles o (EEOP) kon diin gintatagan sin pantay nga pagtratar an ngatanan nga nortehanon nga pakapagtrabaho sa kapitolyo magin nano man an race, gender, religious affiliation kaapi na adton persons with disabilities (PWD).

Una na nga nagkarawat sin pasidungog an PGNS tumikang sa CSC didto sa Cebu City sa pagkakapili sini kumo 2018 Best Non Competency Based Merit Selection Plan ngan nagkarawat  liwat sin pagkilala komo PRIME-HR Level 2 Compliant sa nilabay nga bulan sa Oktubre 24, 2018 didto sa Summit Hotel sa Tacloban City.

An commendation san Sangguniang Panlalawigan nagtutumoyo nga makapaghatag inspirasyon  sa  mga empleyado ngan departamento san gobyerno probinsyal  nga mas magin epektibo  paghatag serbisyo publiko sa mga nortehanon ngan makab-ot  an gin oongara nga kauswagan sa aton probinsya.



No comments

close(x)

Covid-19 Update

New Recoveries: 0
Total Recoveries: 152
Deaths: 2
New Cases: 1
Active Cases: 188
Total Cases: 342